AEROPORTO ROSALÍA DE CASTRO

O día 19 de xaneiro aprobouse a “Declaración institucional dos grupos municipais do consello de Santiago de Compostela para instar ao cambio de denominación do aeroporto de Compostela que pasará a denominarse Rosalia de Castro, Santiago de Compostela-Lavacolla”. 

Nela argumentase que “cando pensamos nunha imaxe icónica de Galicia aparécesenos unha persoa que brilla con luz propia, unha figura fundamental da literatura europea, a escritora máis representativa da lingua galega, unha muller que naceu en Compostela: Rosalía de Castro, de quen este ano conmemoramos o que sería o 180 aniversario do seu nacemento”.

Pídese ao Ministerio de Fomento e a Aeropuertos Españoles y Navegación Aérea (AENA) que “aproben e dean efecto ao cambio de denominación” e demandan ás “institucións e entidades culturais, empresariais, sociais,etc. da nosa cidade e do resto do País o apoio” á declaración.

O Concello de Santiago contou con diferentes apoios (Fundación Rosalía de Castro, Real Academia Galega, Consello da Cultura Galega, Parlamento de Galicia, etc.) e o Ministerio de Fomento deu o visto e prace á iniciativa o 1 de febreiro.

• A Corporación municipal solicita que o aeroporto de Lavacolla leve o nome de Rosalía de Castro na web do Concello de Santiago.
• Apoios á inciativa:
• Consello da Cultura Galega 
• Real Academia Galega
• Parlamento de Galicia

• Rosalía de Castro na Lavacolla de Xosé Luís Santos Cabanas, en Praza Pública.