Neste documental realizado pola TVG coa colaboración de Isaac Díaz Pardo faise un percorrido pola historia da pintura galega.
“Os espectadores poderán ver como Galicia e as súas xentes empezaron a seren pintadas no derradeiro terzo do século XIX. Foi un proceso vinculado ao Rexurdimento literario e ao rexionalismo político. Aqueles primeiros pintores, como Soutomayor, representaban unha Galicia idealizada, popular e tópica.
Castelao empezou a preocuparse por pintar os problemas da xente, afirmando que Galicia debía ter a súa propia arte e que había que “pintar en galego”. Esta idea recollérona os Maside, Colmeiro, Torres, Souto, Laxeiro e Seoane. Ligaron ese compromiso identitario coas linguaxes das vangardas internacionais e fixeron da pintura galega unha arte internacional.
A Guerra Civil significou o exilio e o silencio para a maioría dos artistas galegos máis comprometidos. Depois de anos moi difíciles, a pintura galega volveu eclosionar nos anos 80 do século pasado co movemento Atlántida. Nos 90 créase a facultade de Belas Artes de Pontevedra e hoxe, cando está a desaparecer a clase media que compraba os seus cadros, os pintores galegos teñen que competir nun mercado internacional moi difícil”. (Vía: CRTVG)
Ningún comentario:
Publicar un comentario