Eduardo Pondal , coñecido vomo "o bardo de Bergantiños, naceu en Ponteceso o 8 de febreiro de 1835 e faleceu na Coruña o 8 de marzo de 1917.
Foi a figura homenaxeada no día das Letras Galegas no ano 1965.
Ponteceso
Eu nacín en agreste soedade,
eu nacín cabo dun agreste outeiro,
p'ronde o Anllóns, con nobre maxestade,
camiña ó seu destino derradeiro.
Eu non nacín en vila nin cidade,
mas lonxe do seu ruído lisonxeiro:
eu nacín cabo de pinal espeso,
eu nacín na pequena Ponte-Ceso.
Uns naceno na máxica Granada,
outros naceno en Málaga famosa,
os outros en Sevilla nomeada,
os outros en Valencia deleitosa;
uns na garrida Cádiz, ben soada,
en Barcelona os outros, populosa:
eu nacín cabo de pinal espeso,
eu nacín na pequena Ponte-Ceso.
Amabre Ponte-Ceso, anque pequena,
agreste certamente, mas garrida,
cando deixar a mundanal faena
teu bardo e for pasado desta vida,
non t'esquezas de quen, con faz serena,
dixo a toda ciudade fementida:
"Eu nacín cabo de pinal espeso,
eu nacín na pequena Ponte-Ceso".
(1896)
É unha das grandes figuras poéticas do Rexurdimento xunto con Rosalía de Castro e Manuel Curros Enríquez. Co gallo deste centenario, a Xunta de Galicia declarou o ano 2017 como Ano Pondal e Ano do Rexurdimento. En colaboración coas fundacións que xestionan o legado literario e histórico dos tres autores es os concellos de Ponteceso, Padrón e Celanova, impulsarán un itinerario literario do Rexurdimento galego.
Premendo sobre a imaxe inferior, podedes realizar a Rota pondaliana.
- Fundación Eduardo Pondal
- A obra literaria de Eduardo Pondal, en Historia da literatura galega.
- Poemas de Eduardo Pondal en Son de poetas. Antoloxía da poesía galega musicada.
- Eduardo Pondal: Poesía e Patria de Manuel Ferreiro.
- Obras do autor na:
- Biblioteca Virtual Galega.
- Biblioteca Municipal de Vilalba.
- Biblioteca Agustín Fernández Paz de Vilalba.
- A Xunta e as fundacións Pondal, Rosalía e Curros impulsan unha homenaxe aos tres autores do Rexurdimento.
- O cupón da ONCE do 9 de marzo lembrará o Pondal no centenario do seu pasamento.
Ningún comentario:
Publicar un comentario