venres, 14 de decembro de 2012

Luns 17, reunión con 1ºBAC.

 Non vos esquezades, o luns 17 pola tarde, teremos a reunión das cabras para falar sobre quen de nós é ou non é un replicante. De momento deixámosvos un documento atopado nos arquivos do instituto...Soñarán os androides con ovellas eléctricas?




xoves, 13 de decembro de 2012

Xente de aquí e de acolá.

 Aquí vos deixamos un vídeo da nosa amiga Emma, gravado en Madrid onde cursa 1º de Belas Artes, e que non perdeu as mañas co da música. Vímolo o outro día en Youtube, e pareceunos apropiado ensinalo ao mundo tamén dende aquí.


luns, 10 de decembro de 2012

Os procesos do liño.

  O mes pasado durante os dias 22 e 23 tivo lugar no edificio A a exposición-demostración Os procesos do liño a cargo da Asociación de Mulleres de Ínsua. Esta actividade foi organizada por Vicedirección e o Departamento de Tecnoloxía.
  Deixámosvos un vídeo fotográfico da exposición. Sabedes de quen é o cadro que aparece no comezo e final do vídeo? Unha pista, titúlase Las Hilanderas.





   

venres, 30 de novembro de 2012

Recital do club de lectura na radio...

   Celebrando o centeneario do nacemento de Celso Emilio Ferreiro, alumnos do club de lectura visitaron radio SER para ler algúns dos seus poemas e coñecer o funcionamento dunha emisora de radio.
   Deixámosvos unha mostra do evento, a canción que se escoita titúlase Agardarei, popularizada polo cantautor Luís Emilio Batallán no mítico disco Aí vén o maio. Baseada nun poema de Celso Emilio titulado Teño o corazón senlleiro da súa obra Viaxe ao país dos ananos de 1968, obra na que o poeta criticaba, mediante a sátira, os círculos oficiais de emigrantes galegos de Venezuela, cos que discrepaba abertamente por estaren ideoloxicamente próximos ao franquismo.












xoves, 22 de novembro de 2012

Soñan os androides?

  O pasado venres tivemos a reunión con 1º de BAC. e presentámoslles a novela ¿Sueñan los androides con ovejas eléctricas? do autor americano de ciencia ficción Philip K. Dick. Pronto saberemos quen de nós é un replicante.
  De momento deixámosvos unhas fotos, estará entre nós o susodito...



venres, 16 de novembro de 2012

De ratos e homes

Hoxe foi a presentación do libro De ratos e homes de John Steinbeck e da película do mesmo título de Gary Sinise para 3º e 4º da ESO. Serviunos de acompañamento musical a canción Stand by me de Ben E. King, xa sabedes, por iso da amizade...

Deixámosvos un vídeo do encontro.


mércores, 31 de outubro de 2012

Presentación de "La invención de Hugo Cabret"

O Luns 29 tivo lugar a presentación da obra La invención de Hugo Cabret de Brian Selznick na Biblioteca.
A actividade proposta para o curso xira en torno á anécdota que contaba R. Azcona de dúas cabras que comen nun estercoleiro, unha come un anaco de película e a outra pregúntalle:
- Gústache ?
Ao cal a primeira responde:
- Si, mais gustoume máis a novela.
Partindo desta anécdota, propónselles aos alumnos do club de lectura ler a novela citada e despois ver a película. Cal delas lles gustará máis?

Deixámosvos unhas fotos da devandita presentación cuxa protagonista foi a maxia...








venres, 26 de outubro de 2012

Por fín !!

Benvidos á nova andaina do club de lectura!!

O Luns 29 esperámosvos cunha sorpresa dende París.
Non faltedes á cita.