xoves, 30 de marzo de 2017

PREMIOS DE TEATRO MARÍA CASARES 2017


Onte celebrouse a gala de entrega destes galadóns, na que Eduardo Alonso recibiu o Premio de Honra Marisa Soto e Imma António leu o Manifesto Galego do Dia Mundial do Teatro:



Os resultados por categorías son:
1. Maquillaxe: Trini F. Silva por Voaxa e carmín, de ButacaZero e Eme2.
2. Vestiario: Mari Seoane por Voaxa e carmín, de ButacaZero e Eme2.
3. Escenografía: Dani Trillo por Foucellas, de Talía Teatro.
4. Iluminación: Afonso Castro por O tolleito de Inishmaan, de Contraproducións e FIOT Carballo.
5. Música orixinal: Terbutalina por Eroski Paraíso, de Chévere
6. Adaptación / Tradución: Cándido Pazó, Santi Romay e Alberto Rodríguez por O tolleito de Inishmaan, de Contraproducións e FIOT Carballo.
7. Texto orixinal: Santiago Cortegoso por Raclette, de Ibuprofeno Teatro.
8. Actor secundario: Evaristo Calvo por O tolleito de Inishmaan, de Contraproducións e FIOT Carballo.
9. Actriz secundaria: Maria Roja por O tolleito de Inishmaan, de Contraproducións e FIOT Carballo.
10. Actor protagonista: Santi Romay por O tolleito de Inishmaan, de Contraproducións e FIOT Carballo.
11. Actriz proyagonista: Patricia de Lorenzo por Eroski paraíso, de Chévere.
12. Drección: Xesús Ron por Eroski paraíso, de Chévere.
13. Espectáculo infantil: Danda da Choiva, de Elefante Elegante.
14. Espectáculo: Eroski paraíso, de Chévere.



REUNIÓNS DO CLUB DE LECTURA DO 2º TRIMESTRE


POEMAS DE MIGUEL HERNÁNDEZ MUSICADOS

O cantautor Joan Manuel Serrat publicou dous discos monográficos con poemas musicados de Miguel Hernández, o primeiro deles en 1972 e o segundo en 2010. 

"Con motivo de la conmemoración del centenario de su nacimiento, volví a tomar toda la poesía de Miguel Hernández -Desde los poemas de juventud hasta Cancionero y romancero de ausencias- y a partir de ahí comencé a elegir poemas y fragmentos de poemas que me parecieron muy interesantes para musicar. En un principio trabajé sobre 20 o 30 poemas y, seleccionando y descartando, llegué hasta los 13 que componen el disco. Ninguno de ellos ha sido musicado".


Premendo sobre as imaxes inferiores teredes acceso ás cancións dos álbumes de Serrat mencionados anteriormente.






Máis poemas musicados por outros artistas:











mércores, 29 de marzo de 2017

SOBRE O TEATRO

Historia del teatro, de Miguel Ángel Gómez Ferrero e César Vallejo de Castro:





26 programas audiovisuais pedagóxicos sobre as artes escénicas divididos en bloques temáticos:










martes, 28 de marzo de 2017

75º ANIVERSARIO DO PASAMENTO DE MIGUEL HERNÁNDEZ

Miguel Hernández (Orihuela, 30 de outubro de 1910 - Alicante, 28 de marzo de 1942), coñecido como “o poeta do pobo” tamén escribiu obras de teatro e prosa.




O pasado decembro o Congreso dos Deputados acordou por unanimidade declarar 2017 Ano Miguel Hernández. As primeiras iniciativas desta conmemoración foron a dixitalización da súa obra (Miguel Hernández. O legado dun soño) e a declaración de Cartaxena como Cidade Hernadiana.

"Recordar a Miguel Hernández que desapareció en la oscuridad y recordarlo a plena luz, es un deber de España, un deber de amor. Pocos poetas tan generosos y luminosos como el muchachón de Orihuela cuya estatua se levantará algún día entre los azahares de su dormida tierra. No tenía Miguel la luz cenital del Sur como los poetas rectilíneos de Andalucía sino una luz de tierra, de mañana pedregosa, luz espesa de panal despertando. Con esta materia dura como el oro, viva como la sangre, trazó su poesía duradera. ¡Y éste fue el hombre que aquel momento de España desterró a la sombra! ¡Nos toca ahora y siempre sacarlo de su cárcel mortal, iluminarlo con su valentía y su martirio, enseñarlo como ejemplo de corazón purísimo! ¡Darle la luz! ¡Dársela a golpes de recuerdo, a paletadas de claridad que lo revelen, arcángel de una gloria terrestre que cayó en la noche armado con la espada de la luz!"(Pablo Neruda).



luns, 27 de marzo de 2017

PREMIOS E BOLSAS

XIV Premio Pura e Dora Vázquez de ilustración

  • Información
O obxectivo do certame é recoñecer a calidade artística de traballos creados para nenos e mocidade, fomentar a lectura entre este público e destacar a figura das escritoras Pura e Dora Vázquez.
As persoas participantes deberán presentar os traballos tomando como base o texto gañador na modalidade de narración, que foi a obra Do meu nome e outras trapalladas, do escritor Antonio Yáñez Casal.
  • Participantes
Poderán concorrer ao premio ilustradores de calquera nacionalidade que presenten as súas ilustracións e orixinais, non menos de dez, tomando como base o texto premiado na modalidade de narración do XIV Premio Pura e Dora Vázquez.
  • Prazo
O prazo de admisión de orixinais termina o 31 de marzo, admitíndose, con todo, aqueles que foran entregados nas oficinas de Correos ese mesmo día.
  • Premio
Para esta modalidade de ilustración establécese un premio de 1.500 euros.



VI Premio de Poesía Carme Villaverde


  • Información
O IES Nº1 de Ordes convoca a sexta edición do Premio de Poesía, 
en lembranza da docente Carme Villaverde Raña
  • Participantes
Alumnado de ESO, de Bacharelato, de ESA e de FP de Grao Medio e de Grao Superior que curse estudos en Galicia e non teña cumpridos 20 anos a 31 de decembro de 2017. 
  • Requisitos
Presentaranse tres composicións, con liberdade de metro e rima. Deberán ser orixinais, inéditas e escritas en lingua galega.
Remitiranse cinco exemplares en papel en formato DIN A-4. 
Só se fará constar o título da obra e un pseudónimo. En sobre a parte, pechado e co título da obra e o pseudónimo no exterior, incluiranse os datos persoais da persoa participante: nome e apelidos, enderezo, teléfono de contacto, idade, curso e centro onde estuda. 
  • Premio
Concederase un único premio de 400 euros. Se o xurado o considera oportuno, pola baixa calidade das obras presentadas, o premio poderá ser declarado deserto. A decisión do xurado é inapelable. 
  • Prazo
O prazo de presentación remata o 5 de maio de 2017 ás 14:00 horas. 
  • Xurado
O xurado estará integrado por profesorado de lingua e literatura. 
A decisión do xurado darase a coñecer o día 11 de maio de 2017 ás 12:00 horas. Comunicaráselle persoalmente á persoa premiada. 
A entrega do premio terá lugar na Casa da Cultura de Ordes o día 22 de maio ás 19:00 horas. 
A obra gañadora será publicada na revista do centro. 




5ª Convocatoria Bolsas Eurolingua 2017. Curso de inglés en Irlanda. 


  •  Información 
Bolsas para a realización de cursos de inglés en Irlanda, de dúas semanas de duración, durante o mes de agosto de 2017, nun programa de inmersión todo incluído. Establécese un lote global de 20 bolsas dirixidas a estudantes universitarios/as, de ESO, de bacharelato ou formación profesional cunha dotación orzamentaria achegada pola axencia na súa totalidade. 
  • Convoca 
Eurolingua Venairlanda S.L. 
  • Obxectivo 
Defender e potenciar a idea da aprendizaxe de inglés no estranxeiro como o mellor modo de aprender o idioma. 
  • Datos de interese 
Os cursos, financiados ao 100%, incluirán: 
· Recollida no aeroporto e traslado ao aloxamento. 
· Aloxamento en familia ou residencia universitaria. 
· Programa de 20 clases de inglés por semana, con Internet e material didáctico. 
· Programa de actividades culturais visitas e excursións. 
· Certificado, supervisión e teléfonos de emerxencia. 
· Non incluído, pero xestionable gratuitamente, o billete de avión. 
En caso de forza maior a data poderase modificar, pero sempre se debe realizar o curso nos meses de verán. 
  • Datas
A data de saída será o 27 de xullo e a de regreso o 10 de agosto. 



Bolsas para a participación nun programa intensivo de inmersión lingüística en inglés en España 


  • Convocatoria 

Convócanse en réxime de concorrencia competitiva un máximo de 2.400 bolsas para a participación nun programa intensivo de inmersión lingüística en inglés en España en réxime de internado e pensión completa, dunha semana de duración, no mes de xullo de 2017.
  • Persoas beneficiarias
Serán requisitos necesarios para optar a estas bolsas: 
a) Nacer entre o 1 de xaneiro de 1997 e o 31 de decembro de 2000 e estar matriculado no curso 2016/17 en calquera curso dalgún dos seguintes estudos:
· Bacharelato 
· Ensinos profesionais de música e danza 
· Grao medio de Formación Profesional 
· Grao medio de artes plásticas e deseño 
· Grao medio de ensinos deportivos e 
· Ensinanzas de idiomas de nivel intermedio ou avanzado 
b) Obter no curso 2016/17 a condición de bolseiro/a do Ministerio de Educación, Cultura e Deporte conforme á Resolución 11 de agosto de 2016, da Secretaría de Estado de Educación, Formación Profesional e Universidades, pola que se convocan bolsas de carácter xeral, para o curso académico 2016/17, para estudantes que cursen estudos postobligatorios. (BOE do 13 de agosto).
c) Ter totalmente aprobado o curso inmediato anterior, cunha nota final mínima de 7,50 puntos na materia de inglés. No caso de solicitantes que estean matriculados en ensinos bilingües pero non cursasen a materia de inglés como materia individualizada o curso anterior, terase en conta a cualificación obtida na materia de inglés de cuarto curso de Educación Secundaria Obrigatoria. 
d) Obter un número de orde na lista de persoas adxudicatarias que o/a sitúe dentro do total de bolsas a conceder. 
  • Prazo
Finalizará o día 20 de abril de 2017.
  • Contía da axuda
A obtención da axuda comportará a cobertura de todos os gastos inherentes á participación no curso, con excepción de 100,00 euros para completar o prezo total do curso e dos gastos de desprazamento ao centro que lle sexa asignado, que serán por conta do participante
  • Criterio de adxudicación
A asignación das bolsas entre as persoas solicitantes que cumpran os requisitos esixidos efectuarase atendendo á cualificación obtida na materia de inglés.

DÍA MUNDIAL DO TEATRO

Esta conmemoración foi instaurada en 1961 polo Instituto Internacional de Teatro (ITI), a ONG máis famosa das artes escénicas, para promocionar estas artes como embaixadoras da cultura, a identidade e a sociedade de todos os países do mundo. A data do 27 de marzo elixiuse porque ese día do ano 1962 tivo lugar a apertura da tempada do Théâtre des Nations en París. 




Os obxectivos desta celebración son:
  • Promover o teatro en todas as súas formas a través do mundo.
  • Concienciar ás persoas do valor de teatro en todas as súas formas.
  • Posibiblitar que as comunidades teatrais promocionen o seu traballo a gran escala para que os gobernos e os líderes sexan conscientes do valor e importancia da danza en todas as súas formas e a apoien.
  • Gozar do teatro en todas as súas formas.
  • Compartir o desfrute do teatro cos demais.

“We gather to weep and to remember; to laugh and to contemplate; to learn and to affirm and to imagine” (Brett Bailey, Stage Director from South Africa, World Theatre Day Message Author 2014)


No acto principal, unha personalidade de recoñecido prestixio comparte na Mensaxe do Día Mundial do Teatro as súas reflexións sobre o teatro e a paz. O primeiro deles foi escrito por Jean Cocteau. Desde o ano 2005, cada personalidade estivo presente no mesmo e desde 2009 inclúense representacións realizadas por ela ou relacionadas coa súa mensaxe.

Este ano celebrarase na sala de UNESCO en París e a autora da mensaxe, que podedes ler tamén en inglés, francés, árabe, italiano, grego, etc., será Isabelle Huppert, actriz cinematográfica e teatral francesa.

sábado, 25 de marzo de 2017

III CONCURSO DE VIDEOPOEMAS



LÍRICA GALEGA

No ano 1991, o xornal El Correo Gallego empezou a publicar un suplemento cultural denominado Revista das Letras.

Incluímos o número 669 correspondente ao 17 de maio de 2007, que é unha antoloxía realizada por Helena González sobre a poesía escrita por mulleres, dende a posguerra ata hoxe.
Nesta panorámica da muller na lírica galega figuran autoras destacadas: Xohana Torres, Ana Romaní, Antía Otero, Oriana Méndez, María do Cebreiro, Maite Dono, Olga Novo, Pilar Pallarés, Emma Couceiro, Luz Pozo Garza, Helena de Carlos, Marta Dacosta, Elvira Riveiro, Yolanda Castaño, Estíbaliz Espinosa, Chus Pato, María Mariño e Lupe Gómez.

Os textos están acompañados de fotografías de Manolo Martínez.
Para a autora do monográfico, este é un "xoguete de ler, e con pracer lector, as maneiras que ensaiaron algunhas poetas desde a posguerra deica hoxe mesmo para representar as mulleres ao lonxe, difuminadas por efecto da distancia e unha luz outra que se interpón".

venres, 24 de marzo de 2017

mércores, 22 de marzo de 2017

"SETE POETAS SEN FRONTEIRAS"

Yolanda Castaño versiona ao galego obra de sete poetas de distintas nacionalidades e linguas como un dos resultados da súa participación en xuño de 2010 nun obradoiro de tradución poética celebrado en Dane (Eslovenia) (...) A tarefa fundamental consiste en poñer en comunicación poetas que se traducen entre si e que representen literaturas de moi diversa dimensión en canto ao seu coñecemento no sistema da literatura mundial e en canto ao número de falantes das linguas vehiculares.

Os poetas e linguas representadas foron neste encontro, ademais da propia Yolanda Castaño, as seguintes: Xi Chuan (chinés mandarín), Antoine Cassar (maltés), Veronika Dintinjana (esloveno), Stanislav Lvovski (ruso), Yasuhiro Yotsumoto (xaponés) e Mamta Sagar (canarés).

Advírtase o seguinte erro na maquetación do suplemento: os poemas da derradeira páxina, atribuídos a Mamta Sagar, corresponden en realidade a Yasuhiro Yotsumoto. (Vía: poesiagalega.org)

A POESÍA ESPAÑOLA NA VOZ DE PACO IBÁÑEZ

Paco Ibáñez creou e musicalizou poemas de autores españois e hispanoamericanos, tanto clásicos como contemporáneos, con algúns dos cales mantivo unha estreita amizade: Alberti, Blas de Otero, Celaya e Goytisolo.

“Paco Ibáñez además de cantarse a sí mismo hace algo más colectivo y más difícil, incorpora en su música y su voz a los poetas clásicos y contemporáneos... Se identifica con ellos dándoles a cada uno el tono y el estilo que le corresponde, aunque imprimiendo en todos el sello de su inconfundible personalidad o quizá de una secreta comunidad.
Toda la poesía española, y yo particularmente, en cuanto soy un pequeño representante de ella, debemos mucho a la propagación y la vida que Paco Ibáñez ha dado a nuestros versos. Pero estoy seguro que su satisfacción más que la mía será la que está ya dándole el pueblo, público, en el que estamos con él los poetas”. (Gabriel Celaya).

Seleccionamos os seguintes álbums (de 1968 e 1970 respectivamente) para mostrarvos unha parte da súa obra.


1. La poesía es un arma cargada de futuro (Gabriel Celaya).
2. Andaluces de Jaén (Miguel Hernández).
3. Balada del que nunca fue a Granada (Rafael Alberti).
4. Me llamarán, nos llamarán (Blas de Otero).
5. Me queda la palabra (Blas de Otero).
6. España en marcha (Gabriel Celaya).



                                          1. Don dinero (Francisco de Quevedo).
                                          2. Déjame en paz, amor tirano (Luis de Góngora).
                                          3. La gran pérdida de Alhama (Romance anónimo).
                                          4. Romance satírico (Francisco de Quevedo).
                                          5. Verdad, mentira (Luis de Góngora).
                                          6. Es amarga la verdad (La pobreza) (Francisco de Quevedo).


                                                                            
                                                                              1. A galopar (Rafael Alberti).
                                                                              2. Nocturno (Rafael Alberti).
                                                                              3. Un español habla de su tierra (Luis Cernuda).
                                                                              4. Como tú (León Felipe).
                                                                              5. Villancico (Gloria Fuertes).
                                                                              6. Era un niño que soñaba (Antonio Machado).
                                                                              7. Proverbios y cantares (Antonio Machado).



1. Palabras para Julia (José Agustín Goytisolo).
2. Érase una vez (José Agustín Goytisolo).
3. Me lo decía mi abuelito (José Agustín Goytisolo).
4. Lo que puede el dinero (Arcipreste de Hita).
5. Nana de la mora (José Ángel Valente).
6. Coplas por la muerte de su padre (Jorge Manrique).



martes, 21 de marzo de 2017

"ÁMOTE. EU TAMÉN"

Varios poetas galegos cantan o amor.


DÍA MUNDIAL DA POESÍA

En 1999, a UNESCO proclamou o 21 de marzo como o Día Mundial da Poesía.
"... nos invita a reflexionar sobre el poder del lenguaje poético y el florecimiento de las capacidades creadoras de cada persona." (...)“La poesía es una manifestación de la diversidad en el diálogo, de la libre circulación de las ideas por medio de la palabra, de la creatividad y de la innovación. (...) Merced a sus asociaciones y metáforas y a su gramática singular, el lenguaje poético constituye, pues, otra faceta posible del diálogo entre las culturas. (…) La iniciativa de una acción mundial en favor de la poesía dará un reconocimiento y un impulso nuevos a los movimientos poéticos nacionales, regionales, e internacionales y el objetivo principal de esta acción debería ser sostener la diversidad de los idiomas a través de la expresión poética y dar a los que están amenazados la oportunidad de expresarse en sus comunidades respectivas."

Propoñemosvos comenzar a celebración desta data cun poema de Gabriel Celaya musicalizado e interpretado por Paco Ibáñez.



E tamén cun momográfico do poeta, que contén una pequena biografía e o recitado por el mesmo de ContigoSólo tras padecerNoche abierta e Noche estelar.


venres, 17 de marzo de 2017

MOMENTOS DE POESÍA

Durante unhas horiñas estivo connosco Yolanda Castaño, que veu voando á nosa vila no seu prezado coche.

Ao fondo da paisaxe, a chuvia
esvaece as nubes cun borrón.
Esta folla de ruta milita na xograresca.

Xa teño gana de partir e o meu coche é un soldado.
Non vas oíndo chifrar o seu cargamento sensible?
As estradas comarcais parecen
cadernos pautados.
Gustaríame sucar os montes cun poema ao lombo
coma os viaxantes.
O meu coche é unha bala prateada con
ritmo en vez de pólvora, e eu dígolle: “Vamos!”.
Xuntos atravesamos vales, barrios de funcionarios,
as grandes explotacións eólicas
danme ganas de loitar contra os xigantes.
O meu coche mais eu entendémonos sen dicirnos nada.

Flores brancas do ibuprofeno,
o meu coche é un soldado
e eu dígolle “Vamos recitar poemas
a Monforte de Lemos!”,
e el
acompasa o seu motor ao meu rexistro,
repenica,
badalea
aínda que teña
metrofobia.

Cando tiña tan só quince anos gañou o accésit ao Premio Antonio García Hermida do XVIII Certame de Vilalba con 100 Versos Descoñecidos




Ademais de permitirlle mercar o tan ansiado pantalón de coiro, decatouse de que as súas composicións eran recoñecidas alén do seu colexio. 

 


A escritora e dimamizadora cultural fíxonos reflexionar sobre as figuras literarias (hipérboles, metáforas, etc.) e as distintas interpretacións da linguaxe poética.

Se falase de ti non prounciaría
as silabas supremas
pero bicas ben e gústame estar contigo.
O meu verde co teu azul.

Delirio de ramas.
O meu verde co teu azul.

Abstéñome de pronunciar esas sílabas sublimes
pero gústame cómo abrazas e o teu pelo fai xogo co meu vestido.
Os teus dedos patinan nas miñas medias.
O meu verde co teu azul.


O Vídeo da Egoísta, galardoado co 1º premio no apartado de videocreación do Festival Curtocircuito 2004 exemplificou a mestura de linguaxes creativas.






A POESÍA É UNHA LINGUA MINORIZADA

Comezaría polo espesor. A súa acidez, o seu ph.

Camiña igual ca unha muller:
entre o masacre do invisible
e o campo de concentración da visibilidade.

Ladra estilo e final,
unha épica hospitalaria.

No poema a linguaxe
faise ouvidos xordos a si mesma,
nel as palabras amplían
o seu círculo de amizades.

Hai que masturbar o abecedario
ata que balbuza cousas
aparentemente inconexas.

Caixa de cambios da fala,
acenos doutra orde.
O sorriso do mosquito dentro da pedra de ámbar.

Non se trata de que non comprendas árabe.
Non entendes
poesía.

Boa viaxe e estadía na Verde Erín!





Aproveitamos para animaros a que penetredes no mundo da poesía e participedes no III Concurso de Videopoemas, que convocaremos proximamente e cuxo fallo farase público o Día das Letras Galegas.



 

  

 

 

 

 

 

 

Ao rematar a actividade, realizou este caligrama-dedicatoria no libro Verdedades.




xoves, 16 de marzo de 2017

AS ARTES NA BIBLIOTECA: MIGALLAS DE CINE 2

E seguimos cos tráilers dalgunhas películas que están agardando a que as levedes en préstamo.













Se vos gusta o cine, botade unha ollada ao taboleiro Filmes na biblio.