Corredora de María Reimondez, 22 segundos de Eva Mejuto e Maruja Mallo de Elvira Riveiro, tres marabillosos agasallos que recibimos este pasado martes da Asociación Feminista de Vilalba. Lecturas para a igualdade que axiña poderedes levar en préstamo!
Onte, no Basanta Silva, pintamos os muros e manifestamos o noso rexeitamento da vilolencia de xénero, coa lectura dun manifesto e a actuación de Ari, Noa, Anxo, Lois, Montero e Trastoy, que rapearon para nós, en primicia, o marabilloso tema que eles mesmos compuxeron e que puidemos escoitar tamen á noite no Auditorio.
Dende o IES Santiago Basanta Silva apoiamos a conmemoración do 25N, Día Internacional contra a Violencia de Xénero, coa finalidade de desterrar o machismo da nosa sociedade e contribuir, a través da educación, a erradicar as actitudes e manifestacións que o expresan e o alimentan.
III edición do concurso pola Igualdade e contra a Violencia de Xénero promovido pola Fundación Mutua Madrileña.
Duración
O concurso comezará ás 9:00 horas do 8 de marzo de 2017 e concluirá para todos os efectos ás 15:00 horas do 21 de maio de 2017.
Participantes
Alumnado de E.S.O, Bacharelato, grao ou posgrao universitario ou FP matriculado e residente en España. Se é menor de 18 anos deberá achegar a autorización do seu pai, da súa nai ou do seu titor/a legal se o seu traballo resulta gañador.
Requisitos
As persoas participantes deberán realizar unha peza orixinal creativa para concienciar e previr contra a violencia de xénero á mocidade. Considerarase válido calquera formato dixital (vídeo, audio, imaxe, presentación animada).
Premios
Categoría Grao, Posgrao e Formación Profesional de Grao Superior, dirixido ao estudantado universitario e de FP de Grao Superior, o premio consiste en 3.500 euros en metálico ou un cheque pola mesma cantidade canjeable por material electrónico se a persoa gañadora é menor de idade.
Categoría Especial á Campaña máis Popular en Redes Sociais, o premio consiste en 1.000 euros en metálico se a persoa gañadora é maior de idade ou un cheque pola mesma cantidade canjeable por material electrónico se a persoa gañadora é menor de idade.
Categoría Especial Tolerancia Cero, elixido polo equipo de Fundación Mutua en colaboración con Atresmedia, o premio consiste en 1.000 euros en metálico e difusión da peza orixinal creativa por parte de Atresmedia se a persoa gañadora é maior de idade ou un cheque pola mesma cantidade canjeable por material electrónico e difusión da súa peza orixinal creativa por parte de Atresmedia se a persoa gañadora é menor de idade.
"Controlar, espiar, obligar… es violencia de género"
O Ministerio de Sanidade, Servizos Sociais e Igualdade, PantallasAmigas e Twitter uníronse para concienciar e erradicar unha das formas de violencia de xénero máis común entre adolescentes, a violencia de xénero dixital que se dá a través do control e o abuso nas redes e Internet.
A campaña, a través de dez imaxes animadas, centra o seu foco en mostrar como violencia de xénero acciones que algúns mozos adolescentes realizan coas súas parellas ou exparellas.
Obxectivos
A campaña quere chamar a atención da mocidade sobre determinados comportamentos, co fin de provocar primeiro a reflexión para que, despois, sexan eliminalas como prácticas limitantes e agresivas.
As mensaxes, aínda que identifican formas de dano psicolóxico, presentan unhas mulleres empoderadas e apoiadas polas persoas próximas e a sociedade, exercendo resistencia ás situacións de control e agresións exercidas polas súas parellas.
Ademais dunha imaxe que se distribuirá nas redes sociais, cada unha das dez accións atópase reflectida nunha breve animación. Estas animacións, por unha banda, axudan a comprender mellor a mensaxe e a empatizar coa situación e, por outro, contribuirán á súa viralización e visibilidade en diferentes plataformas.
A campaña incorpora o chío #HaySalida, lema promovido en anteriores accións pola Delegación do Goberno para a Violencia de Xénero, e o chío #fuerzaenmivoz, utilizado por Twitter na súa liña de actuación para fornecer a voz das mulleres na internet a través do diálogo coa comunidade, a difusión das ferramentas e regras da plataforma e o desenvolvemento de iniciativas conxuntas coa sociedade civil. (Vía: CCEOU)
"Controlar, espiar, obligar… es violencia de género"
Esta exposición itinerante, impulsada pola Xunta de Galicia, con motivo do Día Internacional para a Eliminación da Violencia contra as Mulleres está dirixida a axudar á mocidade a recoñecer, identificar e rexeitar condutas sexistas e nocivas nas súas relacións.
A violencia contra a muller é unha violación dos dereitos humanos.
A violencia contra a muller é consecuencia da discriminación que sofre, tanto en leis como na práctica, e a persistencia de desigualdades por razón de xénero.
A violencia contra a muller afecta e impide o avance en moitas áreas, incluídas a erradicación da pobreza, a loita contra o VIH/SIDA e a paz e a seguridade.
A violencia contra as mulleres e as nenas pódese evitar. A prevención é posible e esencial.
A violencia contra a muller segue sendo unha pandemia global. Ata un 70% das mulleres sofren violencia na súa vida.
“A violencia contra as mulleres e as nenas é unha violación dos dereitos humanos, unha pandemia de saúde pública e un grave obstáculo para o desenvolvemento sustentable. [...] Sae moi cara ás familias, as comunidades e as economías. […] O mundo non se pode permitir pagar ese prezo”. (Ban Ki-moon, Secretario Xeral da ONU)
Esta aplicación móbil, posta en marcha polo Ministerio do Interior, facilita a comunicación dos cidadáns coas Forzas e Corpos de Seguridade do Estado para alertar sobre unha situación delituosa da que se é vítima ou testemuña.
O 25 de novembro incorporou un novo botón específico para alertar sobre unha situación de violencia de xénero.
Ao seleccionar este tipo de alerta, pregúntase ao usuario se é vítima ou testemuña e inmediatamente envíase a notificación ao centro de atención máis próximo, xunto coa información do usuario e a súa posición xeográfica exacta. A partir dese momento, as Forzas e Corpos de Seguridade do Estado xestionan a situación de risco, poñéndose en contacto co usuario por chat ou por vía telefónica para solicitar máis información, ofrecer indicacións, mobilizando efectivos á localización da alerta ou calquera outra acción que se estime oportuna.
Co fin de protexer á vítima, unha vez que a alerta se pecha por parte das Forzas e Corpos de Seguridade do Estado, non queda rastro algún no terminal do usuario.
O alumnado de 3º de ESO animouse a elaborar poemas contra a violencia de xénero e a realizar a pegada dos mesmos na parede onde xa estaban algúns dos que forman parte do Libro do Mal Amor.
Dende o IES Santiago Basanta Silva apoiamos a conmemoración do 25N, Día Internacional contra a Violencia de Xénero, coa finalidade de desterrar o machismo da nosa sociedade e contribuir, a través da educación, a erradicar as actitudes e manifestacións que o expresan e o alimentan.
O 25 de novembro incorporou un novo botón específico para alertar sobre unha situación de violencia de xénero.
