Marabillosa merenda de crepes coa que, as alumnas e alumnos de 1ºde BAC de francés, despedimos este curso 2017/18. O francés, esa fermosa lingua que nos levou de novo ás escolas nas que aprendimos a ler, a escribir, a falar, a compartir...unha fermosa viaxe que agardamos repetir en anos vindeiros. Moitísimas grazas á Escola de Educación Infantil e ao CEIP A. Insua Bermúdez de Vilalba por facelo posible.
O alumnado de 2º de ESO acudiu onte a esta actividade organizada polo equipo biblioteca. Nela o enxeñeiro informático Alberto Carreiras tratou diversos aspectos relacionados co uso responsable de Internet.
O día 11 deste mes de 11:45 a 13:00 o alumnado de 2º de ESO acudirá a unha charla divulgativa sobre o uso responsable de Internet e as redes sociais impartida por un especialista do Colexio Profesional de Enxeñaría en Informática de Galicia (CPEIG).
“A Internet representa un mundo de posibilidades para o lecer e a aprendizaxe pero tamén supón unha serie de riscos, como son os contidos inapropiados ou a facilidade de contacto con persoas que non son sempre o que semellan ou din ser. Pais, nais e profesores son esenciais para axudarche a emprender unha navegación responsable e útil, por iso tamén temos suxestións e consellos dirixidos aos maiores cos que te relacionas”. (Vía: Navega con Rumbo)
Accesos ás guías de navegación para ler en liña ou descargar:
Hoxe tiveron lugar os últimos obradoiros impartidos por Xosé de Quérote+. Esta actividade foi organizada polo Equipo da Biblioteca e o Departamento de Orientación.
Coma sempre, quedaron encantados. Esperemos que poñan en práctica o aprendido.
Durante unhas horiñas estivo connosco Yolanda Castaño, que veu voando á
nosa vila no seu prezado coche.
Ao fondo da paisaxe, a chuvia
esvaece as
nubes cun borrón.
Esta folla de
ruta milita na xograresca.
Xa teño gana de partir e o meu coche é un
soldado.
Non vas oíndo chifrar o seu cargamento
sensible?
As estradas comarcais parecen
cadernos pautados.
Gustaríame sucar os montes cun poema ao
lombo
coma os viaxantes.
O meu coche é
unha bala prateada con
ritmo en vez
de pólvora, e eu dígolle: “Vamos!”.
Xuntos
atravesamos vales, barrios de funcionarios,
as grandes
explotacións eólicas
danme ganas
de loitar contra os xigantes.
O meu coche mais eu entendémonos sen dicirnos
nada.
Flores
brancas do ibuprofeno,
o meu coche é un soldado
e eu dígolle “Vamos recitar poemas
a Monforte de Lemos!”,
e el
acompasa o seu motor ao meu rexistro,
repenica,
badalea
aínda que
teña
metrofobia.
Cando tiña tan só
quince anos gañou o accésit ao Premio Antonio García Hermida do XVIII Certame de Vilalba con 100
Versos Descoñecidos.
Ademais de permitirlle
mercar o tan ansiado pantalón de coiro, decatouse de que as súas composicións
eran recoñecidas alén do seu colexio.
A escritora e dimamizadora cultural fíxonos reflexionar sobre as figuras literarias (hipérboles, metáforas, etc.) e as distintas interpretacións da linguaxe poética.
Se falase de ti non
prounciaría
as silabas supremas
pero bicas ben e gústame
estar contigo.
O meu verde co teu azul.
Delirio de ramas.
O meu verde co teu azul.
Abstéñome de pronunciar
esas sílabas sublimes
pero gústame cómo abrazas
e o teu pelo fai xogo co meu vestido.
Os teus dedos patinan nas
miñas medias.
O meu verde co teu azul.
O Vídeo da Egoísta, galardoado co 1º premio no apartado de videocreación do Festival Curtocircuito 2004 exemplificou a mestura de linguaxes creativas.
A
POESÍA É UNHA LINGUA MINORIZADA
Comezaría polo espesor. A súa acidez, o seu
ph.
Camiña igual ca unha muller:
entre o masacre do invisible
e o campo de concentración da visibilidade.
Ladra estilo e final,
unha épica hospitalaria.
No poema a linguaxe
faise ouvidos xordos a si mesma,
nel as palabras amplían
o seu círculo de amizades.
Hai
que masturbar o abecedario
ata que balbuza cousas
aparentemente inconexas.
Caixa
de cambios da fala,
acenos doutra orde.
O sorriso do mosquito dentro da pedra de
ámbar.
Non se trata de que non comprendas árabe.
Non entendes
poesía.
Boa viaxe e estadía na Verde Erín!
Aproveitamos para animaros a que penetredes no mundo da poesía e participedes no III Concurso de Videopoemas, que convocaremos proximamente e cuxo fallo farase público o Día das Letras Galegas.
Ao rematar a actividade, realizou este caligrama-dedicatoria no libro Verdedades.
O obradoiro consistirá nunha pequena combinación entre un breve achegamento ao xénero poético seguido dun recital comentado con proxección de videopoesía para "rachar os seus prexuízos sobre a poesía, desmontar estereotipos e achegalos a este xénero poético que ha ter moito máis que ver con eles do que pensan".
Xosé Tomás estivo connosco o día 30 de xaneiro dirixindo este obradoiro que organizou a biblioteca para conmemorar o Día da Ilustración.
O alumnado asistente escoitou con atención as súas explicacións sobre a banda deseñada (as denominacións usadas en varios idiomas, a orixe, as características principais, os elementos fundamentais, etc.) e puxo en práctica o aprendido.
O ilustrador deixounos a presentación que utilizou:
e tivo a xentileza de adicarnos un dos seus libros, Nómades:
O día 12 de decembro todos os grupos de 4º de ESO participaron nestes obradoiros. Por problemas técnicos, só podemos ver as fotos do alumnado do grupo de 4º C.
