martes, 25 de novembro de 2014

SEMPRE CONTRA A VIOLENCIA DE XÉNERO!





  Enténdese por violencia de xénero a dirixida ás mulleres polo mesmo feito de selo, é dicir, por considerar que o sexo feminino é inferior e debe continuar nunha posición de subordinación con respecto ao masculino.

mércores, 12 de novembro de 2014

Club de lectura

  Boas!!! Comezou un novo curso e como non comeza tamén O Club de Lectura, este ano aumentou o número de amigos, diso se trata, aledámonos!!!!
   O pasado día 28 de outubro tivo lugar a presentación do libro De ratos e homes de John Steinbeck para os grupos de 3º e 4º de ESO, o 29  Canción de Nadal de Charles Dickens para o grupo de 1º de ESO  e o 30 Pel de Lobo de Xosé Miranda  para 2º de ESO.
  Déixovos unhas fotos...





xoves, 12 de xuño de 2014

Club de lectura

  A semana pasada tivo lugar a última presentación do club de lectura deste ano. O vello e o mar e Contos dos irmans Grimm serán as novelas coas que rematemos a nosa aventura. Sorte coa viaxe.



mércores, 11 de xuño de 2014

Animación á lectura

Os nosos parabéns aos gañadores dos concursos de cartaces e marca páxinas.

      - Concurso de cartaces: Beatriz Felpeto Rodríguez (E1D) e Ángel García Yáñez (E1D)
      - Concurso de marca páxinas: Ismael Francos López (E1A)

Moitas grazas a todo o alumnado que participou!

venres, 6 de xuño de 2014

xoves, 5 de xuño de 2014

Certame de Recitado de Poesía



  Durante os días 20, 21, 22 e 23 do mes de maio tivo lugar na biblioteca do instituto un certame de recitado de poesía con motivo da celebración do maio cultural. Desta guisa, contamos cun gran número de participantes do primeiro e segundo ciclo da ESO. O xurado estivo formado, como en anos anteriores, por profesores e alumnos do equipo de normalización lingüística do centro, neste caso, a responsabilidade de elexir aos premiados recaeu sobre o profesor de galego Domingo Villasuso e o de bioloxía José María Fernández Segura e sobre os alumnos Javier López Rubiera e Isabel Castro López de 1º da ESO e 1º de Bacharelato respectivamente. Os alumnos, que durante as primeiras semanas do mes, puideron ensaiar na bibloteca o recitado dos seus poemas, puxeron moi complicado a elección dos gañadores ao xurado. Pero finalmente, decidimos que os gañadores serían:

       Na categoría A (rapaces de 1º e 2º da ESO), os elexidos foron:

  Modadidade Individual: Rosa María Rodriguez Currás de 1º da ESO co poema Adios ríos; adiós fontes de Rosalía de Castro quedou en primeiro lugar, Silvia López Lorenzo de 2º da ESO con Que pracidamente brilan tamén de Rosalía de Castro acadou a segunda posición e Manuel Francisco Lamela Gómez de 1º da ESO, logrou o áccesit co poema Xa nin rencor nin desprezo de novo de Rosalia de Castro.
       
      Modalidade Parellas: En primeiro lugar Sara Leal Rey e Natalia Prestes Camba de 2º da ESO co poema Campanas de Bastabales de Rosalía de Castro, na segunda posición Ayné e Marcos Novo Yáñez de 1º da ESO con Si eu tiver a fror do lume de Manuel Luís Acuña e o áccesit foi para Manuel Lamela Gómez e Sergio López Ramudo de 1º da ESO co poema Sen paz xean-se as palabras de Xulio Válcarcel
 
        Na catagoría B  (rapaces de 3º da ESO), gañaron:

   Modadidade Individual: En primeiro lugar Daniel Rego Yáñez co poema A Pablo Neruda de Antonio García Teijeiro, no segundo, Jorge Basanta Trillo con Oh…!  de Lois Pereiro e Alberto Ferreiro Díaz conseguiu o áccesit con para Méndez Ferrín de X. Costa Clavell.
        
  Modalidade Parellas: Celine Fernández Janeiro e Cristina Muñiz Santalla  co poema Rondeau das señoras donas…de Álvaro Cunqueiro quedaron en primeiro lugar, Andrea Díaz Lozano e Paula García Joven con A Pual Èluard de Luz Pozo Garza en segundo lugar e Claudia Basanta Hermida e Antía Fernández Quintela con Sós de Manuel Antonio levaron o áccesit.

  Noraboa aos gañadores e graciñas a todos os que vos animastes a participar!


 

xoves, 29 de maio de 2014

Novos Graffitis

Seguen aparecendo graffitis polo insti, que nos animan á lectura...Todo o que poidas imaxinar é real.


xoves, 22 de maio de 2014

Dualial

Como gozamos do virtuosismo de Dualial, dúo formado por Paula Rouco e Marta Prado.



martes, 20 de maio de 2014

Actividades en Santabaia

  Os alumnos de 1º da ESO gozaron durante a xornada de onte dunha serie de actividades na parroquia de Santabaia, tendo como anfitrións aos Amigos da Liga Santaballesa. Camiñaron ata os lugares máis senlleiros da parroquia, Pena Grande, Pena Chantada e como non, visitaron a escola antiga e a recreación do pobado castrexo. Finalmente tiveron unha charla-coloquio co escritor Antonio Reigosa.Un día completiño.


xoves, 15 de maio de 2014

Barro en vivo

  Durante dous días tivemos connosco ao artesán ceramista Pablo Mazoy, co seu taller cerámico, onde os rapaces de terceiro puideron tornear e sentir o barro EN VIVOOOO!!!!


martes, 13 de maio de 2014

Escritos na Floresta

  Onte tivemos a oportunidade de escoitar ao noso compañeiro e profesor Ricardo Polín nunha charla sobre as Árbores literarias na paisaxe cultural da Terra Chá. Tamén se inaugurou a exposición Escritos na Floresta, que por suposto, podedes ver na sala de exposición do Basanta.



luns, 12 de maio de 2014

CLUB DE LECTURA
O pintor do sombrero de malvas, MARCOS CALVEIRO



Ao tempo que ledes esta novela que foi Premio Lazarillo no 2009, podedes entrar nos seguintes enlaces para ver a extensísima obra pictórica do pintor holandés Vincent Van Gogh (1863-1890). Este xenial pintor, coñecido como un dos grandes do postimpresionismo,  é quen protagoniza a historia, centrándose na súa última etapa, a que pasou en Auvers-sur-Oise, na Provenza francesa, onde o choque coa luz do sur o leva á conquista da cor.


Aínda que aparecen reproducións de moitas das súas obras desta etapa intercaladas na novela, non hai nada como velas coas cores coas que expresaba a súa forza.


Campo de trigo con corvos                                                                                                                    

                 

venres, 9 de maio de 2014

xoves, 8 de maio de 2014

Ride, ride

 Ontes os alumnos de 2º e 3º da ESO puideron disfrutar do espectáculo Ride, ride, a cargo do trio 3DTrans, dentro do programa do Maio Cultural. Estiveron fantásticas!!!


mércores, 7 de maio de 2014

Cine de cine

  Este xoves comeza o ciclo Cine de Cine dentro do programa do Maio Cultural, coa proxección da aclamada película The Artist. Non o esquezades, ás 20 horas no salón de actos do Basanta.
  Esperámosvos!!!



martes, 6 de maio de 2014

Maio Cultural

  O vento levántase, comeza o noso Maio Cultural. Esperamos que participedes e que disfrutedes como nunca...necesitamos da vosa acción!!!!



martes, 29 de abril de 2014

XXXV Certame "Terra Cha" de contos, debuxo e poesía para Primaria, Secundaria e Bacharelato

Lectores electrónicos

  Xa tedes á vosa disposición na biblio os novos libros electrónicos, dous, toda unha biblioteca que se pode levar en préstamo como calquera outro libro e ao servizo de toda a comunidade educativa.


Concurso de CARTEIS e MARCA PÁXINAS



A biblioteca convoca un concurso de carteis e outro de marca páxinas de animación á lectura, dirixido a todo o alumnado do centro. Ámbolos dous serán orixinais e, se levan lemas, deberán estar en galego.  Presentaranse na biblioteca, nos períodos de lecer, ata o 9 de maio. Durante a semana das letras galegas expoñeranse  todos os recibidos na biblioteca, onde quedarán  permanentemente os gañadores. A debuxar!

29 de abril: encontros cos nosos escritores

O escritor Pepe Carballude visita o noso centro para falarlle ao alumnado de 1º de ESO da súa obra O deus desaparecido, que leron no 2º trimestre, e do proceso de creación. 

venres, 25 de abril de 2014

Troco de libros

  Como sabedes o mércores comezou o troco de libros na biblioteca, podedes botar unha ollada e elexir o voso, a que estades esperando!!!!


 

xoves, 10 de abril de 2014

Notición

  Que gran noticia!!! As escaleiras do gran hotel, unha novela de tramas políticas nos tempos previos á II República, valeulle a Rubén Martínez, compañeiro e amigo, os 6.000 euros do XVI Premio Vicente Risco de Creación Literaria. O xurado, que destacou a calidade das obras presentadas, tomou a decisión logo de dúas horas de deliveración. Parabens.


xoves, 3 de abril de 2014

  O equipo de Normalización Lingüística convoca o 3º Certame de Recitado de Poesía  para o mes de maio. Previamente neste mes de abril, terá lugar un taller de recitado.
 A que esperades?, participade !!!!!!




martes, 1 de abril de 2014

  Hoxe inagúrase na sala de exposicións do Basanta a mostra de fotografía "Traballos e oficios", que rematará o 30 de abril. Colaborou connosco o Instituto de Estudos Chairegos.



xoves, 20 de marzo de 2014

117 máscaras.

 Xa pasou o Antroido, ainda así, hai 117 máscaras impresas e impresionantes nun mural na entrada do Insti. Atopaches a túa? Sigue xogando...





venres, 7 de marzo de 2014

Morre Leopoldo María Panero

  Que mellor homenaxe que leer un poema seu:

BLANCANIEVES SE DESPIDE DE LOS SIETE ENANOS

  Prometo escribiros, pañuelos que se pierden en el horizonte, risas que palidecen, rostros que caen sin peso sobre la hierba húmeda, donde las arañas tejen ahora sus azules telas. En la casa del bosque crujen, de noche, las viejas maderas, el viento agita raídos cortinajes, entra sólo la luna a través de las grietas. Los espejos silenciosos, ahora, qué grotescos, envenenados peines, manzanas, maleficios, qué olor a cerrado, ahora, qué grotescos. Os echaré de menos, nunca os olvidaré. Pañuelos que se pierden en el horizonte. A lo lejos se oyen golpes secos, uno tras otro los árboles se derrumban. Está en venta el jardín de los cerezos.

 


 

venres, 21 de febreiro de 2014

  O próximo luns 24 é o día de Rosalía de Castro e o IES Basanta vai organizar diversos actos. Quedoume un pareado guapo!!! En fin, disfrutemos desta grande poetisa nosa.


xoves, 20 de febreiro de 2014

Momo de M. Ende

  O pasado venres 14 de febreiro tivo lugar a presentación co Club de Lectura de 1º do libro Momo de Michael Ende. Déixovos o collage do momentazo.



xoves, 13 de febreiro de 2014

BICOS DE CINE...

   Con motivo do día dos namorados, ou sexa mañá 14, rétovos a todos os expertos nestas dúas disciplinas a que descubrades o título da película á que pertence cada fotograma. Moitos bicos!!!! 
BICOS DE CINE 
 

martes, 4 de febreiro de 2014

A pantasma do pasadooooooo......

  As fotos non minten, o venres pasado algo aconteceu que nos fixo estremecer. Sí, meus queridiños lectores, a pantasma do pasado estivo entre nos da man de Charles Dickens. Aí tedes a captura que fixo a nosa cámara...Uhhhhhhhhh....que medo!!!!!!





  Esperamos que esta Canción de Nadal vos entusiasme na compaña da pantasma do futuro, xa veremos.

venres, 31 de xaneiro de 2014

Cuestión de gustos...

Ti que prefires...?


 

E ademáis, como Serrat, " prefiero el lunar de tu cara a la pinacoteca nacional".

E como  Wislawa Szymborska prefiro:

Prefiero el cine.
Prefiero los gatos.
Prefiero los robles a orillas del Warta.
Prefiero Dickens a Dostoievski.
Prefiero que me guste la gente
a amar a la humanidad.
Prefiero tener a la mano hilo y aguja.
Prefiero no afirmar
que la razón es la culpable de todo.
Prefiero las excepciones.
Prefiero salir antes.
Prefiero hablar de otra cosa con los médicos.
Prefiero las viejas ilustraciones a rayas.
Prefiero lo ridículo de escribir poemas
a lo ridículo de no escribirlos.

Prefiero a los moralistas
que no me prometen nada.
Prefiero la bondad astuta que la demasiado crédula.
Prefiero la tierra vestida de civil.
Prefiero los países conquistados a los conquistadores.
Prefiero tener reservas.

Prefiero los cuentos de Grimm a las primeras planas del periódico.
Prefiero las hojas sin flores a la flor sin hojas.
Prefiero los perros con la cola sin cortar.
Prefiero los ojos claros porque los tengo oscuros.
Prefiero los cajones.
Prefiero muchas cosas que aquí no he mencionado
a muchas otras tampoco mencionadas.
Prefiero el cero solo
al que hace cola en una cifra.
Prefiero el tiempo insectil al estelar.
Prefiero tocar madera.
Prefiero no preguntar cuánto me queda y cuándo.
Prefiero tomar en cuenta incluso la posibilidad
de que el ser tiene su razón.


E tamén como Galeano: "En este mundo de plástico y de ruído, quiero ser de barro y de silencio"

luns, 27 de xaneiro de 2014

Reunión do Club de 3º

  O pasado venres reuniuse o Club de Lectura de terceiro para presentar A pantasma de Canterville de Oscar Wilde. Nun intre, fómonos co libriño baixo o brazo, e desaparecemos na espesura...



martes, 21 de xaneiro de 2014

A Juan Gelman...

  Ás catro e media do pasado martes, na súa casa da colonia Condesa da Cidade de México, onde vivía dende 1988, faleceu o poeta arxentino Juan Gelman, un poeta que dicía que a eternidade tiña que ser aburridísima.... 
  O compromiso político, primeiro co movemento peronista e logo contra a dictadura (o seu fillo e a súa nora, embarazada, desapareceron durante o réxime militar), marcou a súa vida e a súa obra, aínda que non lle gustaba o termo "poesía comprometida".


Este poema gústame moito, porque é un canto á rebeldía de elexir ser un mesmo, 
de elexir non ser perfecto, aínda que se esté equivocado:

Si me dieran a elegir, yo elegiría
esta salud de saber que estamos muy enfermos,
esta dicha de andar tan infelices.

 Si me dieran a elegir, yo elegiría
esta inocencia de no ser un inocente,
esta pureza en que ando por impuro.

 Si me dieran a elegir, yo elegiría
este amor con que odio,
esta esperanza que come panes desesperados.

 Aquí pasa, señores,
que me juego la muerte.
  
Juan Gelman/El juego en que andamos

martes, 14 de xaneiro de 2014

O noso rinconciño.

 Ah, que bos momentos pasamos na biblioteca, ese rinconciño encantado onde damos renda solta á nosa imaxinación!!!


.

xoves, 9 de xaneiro de 2014

A viaxe comeza de novo...

 Voltamos das vacacións coas pilas cargadas. Por diante unha viaxe de seis meses...cheos de literatura e bo cine. Saúdos e benvidos!!!