CÓMIC

Así de chulo loce na nosa biblio o novo recuncho reservado 

para a banda deseñada.

Adicatorias de M.A.Prado para a nosa Biblioteca.

Xa temos expostos na bilioteca os fermosos debuxos cos que Miguel Anxo Prado nos adicou a súa "Mansión dos Pampín" e "Trazo de Xiz". 💚💚 Encantáronnos! 😊

Miguel Anxo Prado é un coñecido debuxante galego con proxección internacional, autor de banda deseñada e ilustrador de libros infantis e xuvenís como como "Cando o mar foi polo río", de Manuel María, "O centro do labirinto", de Agustín Fernández Paz ou "Bala perdida" de Manuel Rivas. Tamén o coñeceredes por ser o deseñador da mascota oficial do Xabarín Club, así como de diferentes personaxes do programa e do elenco da serie de animación producida en Galicia Os vixilantes do camiño. 

Na biblioteca poderedes atopar estas e outras moitas obras súas, vide botar un ollo! 👀

AS ARTES NA BIBLIOTECA: BANDA DESEÑADA 3

"EL CAPITÁN TRUENO"

El Capitán Trueno es uno de los títulos icónicos de la cultura de la España del siglo pasado. Con guión de Víctor Mora y dibujos de Ambrós, la serie capturó a miles de lectores desde su primer cuadernillo, en 1956, hasta bien entrada la década de los sesenta. Y los multiplicó en sucesivas reediciones, hasta la actualidad. La catalogación que lo cerca como cómic de aventuras es a la vez exacta y falaz. De aventuras se trata, sin duda. Pero, por suerte, tanto las vicisitudes del guión como el genio desigual de los sucesivos dibujantes propiciaron unos encuentros que esta exposición pretende explorar: encuentros con la literatura, por cuanto El Capitán Trueno repite o imita episodios que se pueden hallar en la Ilíada o en la Odisea, en Verne o en Swift, en Shakespeare, en Cervantes, en el legado de las Eddas y de las sagas, en Gilgamesh o en Rabelais. (Vía: Acción Cultural Española)

• El legado de Trueno, en El País.
• Víctor Mora, ‘El Capitán Trueno’ y el aguante de un guionista, de Eduardo Martínez-Pinna.
• Muere el escritor Víctor Mora, creador del ‘Capitán Trueno’ y ‘El Jabato’, en El País.
• 
  

DIXESTES BANDA DESEÑADA?

"O cómic é, sobre todo, un medio narrativo, unha canle para contar historias. Como poden selo tamén, cada un coa súa "linguaxe" específica, o conto, o cine, a novela, o telefilme ou a fotonovela. Todos eles son medios que, fundamentalmente, contan historias, aínda que ocasionalmente poidan non facelo (...) O que os distingue dos outros medios cos que está emparentado é o contalas dun xeito peculiar e propio, empregando unha linguaxe e uns códigos específicos, baseados nunha síntese das linguaxes verbal e icónica." (Agustín Fernández Paz)

Pois ben, imos aprender máis sobre a historia deste xénero coa lectura de diversas publicacións.

EXPOSICIÓNS DE FONDOS SOBRE O DÍA MUNDIAL DO LIBRO

FONDOS DO TRINQUE

“OS ECOS DE TANTAS PÁXINAS DE BD ANDAN POLOS MEUS LIBROS”

É sobradamente coñecida a estreita relación de Agustín Fernández Paz coa a banda deseñada.

Nesta ocasión animámosvos a ler esta entrevista de Eduardo Maroño: 

"A banda deseñada galega atópase no que probablemente sexa o mellor momento da súa historia. Agustín Fernández Paz (Vilalba, 1947) foi testemuña da súa evolución dende a precariedade de medios e o voluntarismo dos anos 70 ata a brillante etapa actual. Lector apaixonado de cadriños, o escritor vilalbés foi pioneiro da incorporación do cómic ás aulas e levou a cabo un entusiasta labor coma divulgador do medio que lle valeu o Premio Ourense de Banda Deseñada en 1992. Unha faceta pouco coñecida da súa traxectoria que repasamos nesta conversa". ( Vía:Praza Pública)

Antonio Seijas e Agustín Fernández Paz

Seguir lendo.

EXPOSICIÓN DE FONDOS DE GLORIA FUERTES E DE BANDA DESEÑADA

EXPOSICIÓN DE FONDOS DE XOSÉ TOMÁS E BANDA DESEÑADA

Se non pasaches pola biblioteca para vela, aínda estás a tempo poque ímola retirar a principios de marzo.

 

 

OBRADOIRO DE BANDA DESEÑADA

Xosé Tomás estivo connosco o día 30 de xaneiro dirixindo este obradoiro que organizou a biblioteca para conmemorar o Día da Ilustración.

O alumnado asistente escoitou con atención as súas explicacións sobre a banda deseñada (as denominacións usadas en varios idiomas, a orixe, as características principais, os elementos fundamentais, etc.) e puxo en práctica o aprendido.

O ilustrador deixounos a presentación que utilizou:

e tivo a xentileza de adicarnos un dos seus libros, Nómades:

• Entrada sobre Xose Tomás neste blog

AS ARTES NA BIBLIOTECA MUNICIPAL DE VILALBA: FONDOS DE XOSÉ TOMÁS

AS ARTES NA BIBLIOTECA: BANDA DESEÑADA 1

OBRADOIRO DE BANDA DESEÑADA

A biblioteca e o Departamento de Educación Plástica e Visual organizan esta actividade, co gallo de conmemorar o Día da Ilustración, na que participará o alumnado de Cultura Audiovisual de 1º e 2º de Bacharelato. Será impartido por Xosé Tomás, pertencente ao grupo DIVERXE.

Este ilustrador, humorista gráfico, guionista e profesor de inglés de ensino secundario, gañou no 2010 xunto con Manuel Guisande o Premio Isaac Díaz Pardo da Asociación Galega de Editores ao mellor libro ilustrado do ano pola serie Rodribico. Nos anos 2012 e 2014 obtivo o Premio Fervenzas Literarias ao mellor ilustrador do ano. No 2013 foi galardondo xunto con María Solar co Premio Frei Martín Sarmiento ao mellor álbum ilustrado (Vou ter un irmán)

As súas obras e actividades son moi variadas: a ilustración infantil e xuvenil, a banda deseñada, a publicación de viñetas e humor gráfico en revistas e xornais, o cartelismo didáctico, a impartición de obradoiros de ilustración e banda deseñada, etc.

Velaquí tedes algunhas das súas ilustracións:

  

  

   

  

  

Aquí hai máis.

“Nos anos que levo impartindo obradoiros de ilustración e banda deseñada por colexios e institutos, teño comprobado varias cousas: que a xente nova le moi pouco cómic (ou BD, ou historieta, ou...). Que ás veces os docentes temos un prexuízo inconsciente de que se trata dun xénero ‘menor’ (sen ter en conta que se trata dun medio de lectura complexa). E a constatación máis importante e preocupante é que o noso sistema educativo, e os currículos en xeral, non teñen moi en conta á imaxe coma un medio de expresión natural nos nenos e nenas”. (Xosé Tomás) 

• Páxina web de Xosé Tomás
• Blog de Xosé Tomás
• Xosé Tomás en Diverxe
• Galicia dende a banda deseñada: unha modalidade literaria en expansión, de Isabel Mociño González

PREMIOS FERVENZAS LITERARIAS

Tras pechar o día 15 de xaneiro o prazo de votacións temos, un ano máis, os resultados onde as lectoras e os lectores de Fervenzas Literarias decidiron o que ao seu xuízo foi o mellor do 2016. En total, este ano recibimos 420 enquisas válidas.

Queremos agradecervos a todas e a todos as dez edicións nas que levades escollendo, a través dos vosos votos, os mellores libros do ano.

Desde Fervenzas Literarias queremos recoñecer a vosa participación e o voso interese en colaborar para formar estes listados de libros. Moitísimas grazas, xa que sen ese tempo que dedicades en votar sería totalmente imposible este traballo.

E agora os resultados... Os nosos parabéns aos premiados e premiadas!!! (Vía: Fervenzas Literarias)

Lista de premios: 

Mellor libro de narrativa A ferida do vento Antón Riveiro Coello (Galaxia)	Mellor libro de poesía Os fillos da fame Ismael Ramos (Xerais)	Mellor libro de ensaio/investigación Historia das Historias de Galicia Isidro Dubert (ed.) (Xerais)
Mellor libro de teatro A filla de Woody Allen Santiago Cortegoso (Morgante)	Mellor álbum de banda deseñada Presas fáciles Miguelanxo Prado (El Patito)	Mellor libro traducido para público adulto Festa no xardín Katherine Mansfield (Rinoceronte)
Mellor libro literatura xuvenil Jules Verne e a vida secreta das mulleres planta Ledicia Costas (Xerais)	Mellor libro literatura infantil Esmeraldina, a pequena defunta Ledicia Costas (Xerais)	Mellor libro traducido de LIX Unha última carta Antonis Papatheodoulou (texto) Iris Samartzi (ilustración) (Kalandraka)
Autor/a do ano Diego Giráldez	Ilustrador/a do ano Miguelanxo Prado	Mellor capa de adultos Galería de saldos (Xerais)
Mellor capa de LIX Jules Verne e a vida secreta das mulleres planta	Mellor editorial do ano Galaxia	Crítico/a literario Armando Requeixo
O mellor acontecido no 2016 Culturgal	O peor acontecido no 2016 Pasamento de Agustín Fernández Paz	Mellor libraría Libraría Couceiro (Santiago de Compostela)
Mellor medio de comunicación Praza	Mellor blog/web literaria Criticalia

• Todos os premiados e finalistas en Fervenzas Literarias

TINTÍN 88 ANOS DESPOIS

O 10 de xaneiro de 1929, o debuxante Hergé, pseudónimo de Georges Prosper Remi , publicou en branco e negro no suplemento (Le Petit Vingtième) do xornal belga Le XXe Siècle, a primeira a das 24 aventuras do seu personaxe máis famoso: Tintin au pays de Soviets. As entregas apareceron en forma de álbum en 1930.

Publicación inicial en Le Petit Vingtième

(xaneiro1929-maio 1930)

Primeira páxina de Tintin au pays des Soviets

(Le Petit Vingtième, 10 de xaneiro de 1929)

Primeira edición en álbum de Tintin au pays des Soviets

(1930)

    

 O día 11 de xaneiro deste ano, 88 anos despois da súa publicación, o libro editouse por primeira vez en cor a partir do escaneado do orixinal. Puxéronse á venda 300.000 en francés.

Portada da reedición en cor

(11 de xaneiro de 2017)

Páxina 113 de Tintin au pays des Soviets

(11 de xaneiro de 2017)

Páxina 114 de Tintin au pays des Soviets

(11 de xaneiro de 2017)

• El color llega al primer Tintín
• Tintín. (Páxina oficial)
• Las aventuras de Tintín, 75 aniversario.1929-2004

ALGÚNS CÓMICS CLÁSICOS

Estas series quizais non vos soen mais probablememente as vosas nais e pais leron exemplarres delas cando eran novos.
Se queredes que publiquemos aquí algún número máis, anotádeo en "comentarios".

CÓMICS SOBRE O CAMBIO CLIMÁTICO E A IGUALDADE DE XÉNERO

Esta serie, creada por Cómic Uniting Nations, está en varios idiomas e pódese descargar ou ler en liña.

Ligazóns dos títulos:

• Chakra the Invincible. Climate Change
• Héroes para el cambio
• Heroes for change
• Heróis pela Mudança
• 改革英雄
• Les Héros du Changement
•  أبطال من أجل التغي
• The Planet and the 17 Goals
• Chakra the Invincible. Gender Equality

CARLITOS Y SNOOPY. LA PELÍCULA DE LOS PEANUTS.

Esta película estrearase en España o 25 de decembro. É a adaptación da famosa creación de Charles Monroe Schulz, Peanuts, coñecida tamén polo nome dos seus dous protagonistas principais, Snoopy e Charlie Brown.

A primeira tira cómica diaria publicouse o 2 de outubro de 1950 en sete dos máis importantes xornais norteamericanos (Washington Post, Chicago Tribune, Minneapolis Tribune, Allentown Call-Chronicle, Denver Post, Bethlehem Globe-Time e Seattle Estafes). 

Schulz, que debuxara máis de 17.000 tiras durante 50 anos, decidiu deixar de facelo ao estar afectado por unha enfermidade grave e despediuse dos seus lectores cunha tira que se publicou o 13 de febreiro de 2000, un día despois da súa morte.

“Queridos amigos:

Tiven a sorte de debuxar a Charlie Brown e os seus amigos durante case cincuenta anos. Iso significou a realización das miñas ambicións de neno. Desgraciadamente, xa non estou en condicións de manter o ritmo que impón unha tira cómica diaria, así que anuncio a miña retirada. Durante todos estes anos non sentín senón agradecemento pola lealdade dos nosos directores e polo apoio e o agarimo marabilloso que me fixeron chegar os seguidores desta tira cómica. Charlie Brown, Snoopy, Linus, Lucy... como poderei esquecelos...”

 As tiras de Peanuts foron publicadas en máis de 2.600 xornais, lidas por 355 millóns de persoas en 75 países e traducidas a 26 idiomas.

• Sinopse da película. 
• Charles M. Schulz.
• Personaxes de Peanuts.    
• Tiras cómicas de Peanuts en inglés.
• Tiras cómicas de Peanuts en español.  

PREMIO NACIONAL DE CÓMIC 2015

Santiago García (guionista) e Javier Olivares (debuxante) veñen de obter este premio pola súa obra Las Meninas, baseada no cuadro de Velázquez.

• Fotogalería.
• Primeiras páxinas do libro.