domingo, 19 de xuño de 2016

OS MÁIS EMPRESTADOS NA NOSA BIBLIOTECA DURANTE ESTE CURSO


1
Trece anos de Branca
2
Lector Electrónico Azul
3
Un viejo que leía novelas de amor
4
Paper Moon
5
O pintor do sombreiro de malvas
6
Novela de xadrez
7
Casa de muñecas
8
Ás de bolboreta
9
Danny o campeón do mundo
10
A expedición do pacífico
11
Lazarillo de Tormes
12
Avenida do Parque, 17
13
O achado do castro
14
Bala perdida
15
The Hacker
16
Lector electrónico negro
17
Á lus do candil
18
The Secret Agent
19
Diez negritos
20
Moonfleet
21
Culture Shock
22
Charlie e a fábrica de chocolate
23
Centauros do norte
24
Grandes esperanzas
25
Titanic
26
The Borrowers
27
Caperucita en Manhattan
28
A Little Trouble in Dublin
29
Diez negritos
30
Julie y los lobos


luns, 13 de xuño de 2016

A NOSA BIBLIOTECA NO XORNAL EL PROGRESO (07-06-16)

Agustín Fernández Paz recibe a calor dos alumnos do IES Basanta Silva de Vilalba

O escritor, que non puido viaxar pero gravou un vídeo, dálle nome á biblioteca do centro de ensino

Alumnos e mestres do IES Basanta Silva, con Bragado e a familia de Fernández Paz, ante a biblioteca. C.PÉREZ
Un sinxelo e emotivo acto serviu para porlle nome á biblioteca do IES Basanta Silva de Vilalba, que a partir de onte pasa a chamarse oficialmente biblioteca Agustín Fernández Paz, tal e como recolle o cartel descuberto pola irmá do escritor, Tita, acompañada por varios familiares. 

O seu estado de saúde impediulle ao homenaxeado estar presente fisicamente, tal e como lle tería gustado, pero quixo facer acto de presencia polo menos de xeito virtual, a través dun vídeo «caseiro» gravado na tarde do domingo. «Gustaríame estar aí con vós, pero as circunstancias son as que mandan», desculpouse Fernández Paz, «encantado» de que a biblioteca leve o seu nome. 

«As bibliotecas e os libros son moi importantes para min», dixo, polo que este pequeno tributo na súa vila natal «é un motivo de alegría moi grande», asegurou, lembrando que el non estudou nel, pero si veu nacer un instituto que celebra o seu cincuentenario. 

Os escolares dos equipos de normalización lingüística e da biblioteca do centro foron os encargados de coordinar esta homenaxe. 

«O lugar no que estades agora cando eu era neno eran hortas e monte baixo», contóulles aos máis de 200 rapaces presentes, lembrando tamén as bidueiras da beira da estrada «e por aí os cativos das Fontiñas era onde xogabamos, a indios e vaqueiros, a policías e ladróns..., falo de tempos moi antigos», bromeou. 

Xa para despedirse, Fernández Paz incidiu en que se sentía «moi honrado» pola deferencia e prometeu corresponder con libros, ademais de desexar poder visitala biblioteca algún día. 

De introducir a súa intervención encargouse un «moi emocionado» Manuel Bragado, director da editorial Xerais e, sobre todo, amigo persoal do escritor «galego contemporáneo máis importante». Bragado destacou a biblioteca como a «aula principal» e a «fonte de luz» de calquera instituto, polo que veu moi acaído que leve o nome dun destacado membro da «tribo universal dos contadores de historias». 

O acto de homenaxe previo ao descubrimento do nome da biblioteca celebrouse no salón de actos do instituto e tivo como protagonistas a varios alumnos, integrantes dos equipos de normalización lingüística do centro e da biblioteca. 

Eles encargáronse de repasar a vida e a obra de Fernández Paz, falando da súa infancia vilalbesa, da súa defensa do idioma ou dos seus múltiples recoñecementos, lendo tamén fragmentos de varias das súas máis de 50 obras. Ademais, estudantes de segundo de ESO intepretaron varias pezas musicais. (C.P.R.)

BIBLIOTECA AGUSTÍN FERNÁNDEZ PAZ, POR MANUEL BRAGADO

Agustín Fernández Paz

“Viaxei na tarde do luns 6 de xuño a Vilalba para participar no acto de inauguración da Biblioteca Agustín Fernández Paz do IES Basanta Silva que este ano celebra o seu cincuentenario. Un acto escolar ben fermoso, unha homenaxe literaria ao autor das Fontiñas no seu propio barrio, coa memoria das abidueiras sempre presente. As intervencións musicais e literarias do alumnado debuxaron un retrato humano e literario moi atractivo e acaído de Agustín, a quen o centro acordou poñer o nome da súa revitalizada biblioteca. Emocionante foi a atención coa que o alumnado seguiu a mensaxe gravada na que Agustín en cinco minutos expresou a súa gratitude e contou algunha das súas andanzas de pícaro nas terras onde se construíu o edifico do instituto nos anos sesenta. O magnífico acto do IES Basanta de Vilalba, onde só escoitei falar galego, algo hoxe sorprendente, amosa que como dixo Agustín “unha biblioteca é unha luz”; como demostra o papel dinamizador da biblioteca escolar na vida dun centro e a gran calidade de moitos dos traballos literarios que se realizan nos nosos centros educativos. Cando saín, chamei decontado a Agustín para contarlle esta marabilla.” (Vía: AELG)

Moitas grazas por as túas verbas e por estar con nós ese día.

domingo, 12 de xuño de 2016

II CONCURSO DE VIDEOPOEMAS

Estes son os outros traballos que se presentaron ao concurso:


A tarde (Uxía Fernández Díaz)



Bando (Manuel F. Lamela Gómez e Ainé S. Nono Yáñez)



Bando (Uxía Rodríguez García)




Elexía nº 11 (Ángel García Yáñez)





Galicia (Samuel Montero Coedo)



Madrigal a Vilalba (Rosa Mª Rodríguez Currás)



O arado (Uxía Gato Díaz)



O carro (Mª López Morado)



Vilalba (Iria Villares Díaz)




sábado, 11 de xuño de 2016

UN NOVO PREMIO PARA AGUSTÍN FERNÁNDEZ PAZ




A neve interminable de Agustín Fernández Paz acada o Premio Frei Martín Sarmiento na 5ª categoría (3º e 4º de ESO).





Na categoría de 1º e 2º de educación primaria, o Premio Frei Martín Sarmiento recaeu este ano na escritora Paula Carballeira, pola súa obra “A burra Ramona”; na categoría de 3º e 4º de primaria, o gañador foi Xabier Frías, por “As aventuras de Enrico Müller”; na de 5º e 6º de primaria, Xabier Estévez, por “Todos os soños”; Santiago Jaureguízar fíxose co galardón na categoría de 1º e 2º de ESO por “O veleno da risa” e Agustín Fernández Paz, con “A neve interminable”, obtivo o de 3º e 4º de ESO. Na categoría de bacharelato e adultos, gañou o premio Francisco Castro, con “Tes ata as dez”. (Vía: CCEOU)




luns, 6 de xuño de 2016

BIBLIOTECA AGUSTÍN FERNÁNDEZ PAZ

"Agustín Fernández Paz dálle nome á biblioteca do IES Basanta Silva de Vilalba.
O escritor Agustín Fernández Paz foi homenaxeado este luns en Vilalba ao poñerlle o seu nome á biblioteca do IES Basanta Silva. Fernández Paz non puido asistir ao acto de descubrimento da placa, pero si estiveron presentes familiares seus, así como o director xeral da editorial Xerais, Manuel Bragado.

O escritor chairego agradeceu o nomeamento a través dun vídeo gravado este domingo." (Vía: El Progreso)


xoves, 2 de xuño de 2016

CONCURSO COCA-COLA

O día 8 de abril desenvolveuse no IES Lucus Augusti de Lugo a 56 edición do concurso Coca-Cola de relato curto de xóvenes talentos. Dende as cinco ata as sete da tarde, seis rapaces e rapazas do IES Basanta Silva (Ariana Núñez Seoane e Carla Rouco Carballés, de ESO-2ºC; Pablo Guizán Rey e Uxía Trastoy Villares, de ESO-2ºD; Lucía Debasa Corral e Mariña Villarino Villarino, de ESO-2º E) puxeron a traballar a súa imaxinación para elaborar unha narración en torno a un tema que viña indicado nunha caixiña de música que lles foron entregando a cada un deles; o tema era “No podía dejar de repetir esa melodía”


Todos saíron encantados da experiencia compartida con 67 alumnos de 2º de ESO doutros centros da provincia.

Ao cabo dunhas semanas, recibimos a noticia de que Ariana Núñez fora unha das tres gañadoras na provincia de Lugo para participar na fase autonómica, e polo tanto estaba invitada a unha gala de entrega de premios aos seleccionados das sete ciudades galegas, que tivo lugar en Santiago de Compostela o día 27 de maio na Sala Eisenman da Cidade da Cultura.


Aos seis participartes do Basanta Silva transmitímoslles o noso recoñecemento pola súa participación, e a Ariana desexámoslle toda a sorte para a seguinte fase deste prestixioso concurso.

mércores, 1 de xuño de 2016

A TERRA CHÁ NOS VERSOS DE MANUEL MARÍA

O alumnado do ENDL e de 3º de ESO realizou un mapa da Terra Chá segundo a concepción de Manuel María no que incluíu poemas alusivos a algúns dos lugares da comarca.